رواية حوريتي الجميلة الفصل العاشر 10 بقلم نور محمد
10
سمعتها بصدمه كبيره والكهرباء ضربت جسمي كله وانا مش قادر احرك صباعي حتي وفجأه وانا في صدمتي الكبيره منها دخل حسن المكتب بتاعي وشافنا كده سوى
وانا اول ما عيني وقعت عليه فوقت لنفسي بسرعه ودفعتها بعيد عني وقولت حسن انت فاهم غلط صدقني والله انا مظلوم و
بس قاطعني صوت حسن اللي دخل مسك ليلى من شعرها بعنف وقال اه ياو*سخه اسيبك في البيت تعبانه واجي هنا علشان نسيت ملف مهم اشوفك في حضن صاحبي
ليلى كانت بتصرخ منه وانا تقدمت وحاولت اخلصها منه علشان احنا في الشركه وكده شرفه وسمعته هتبقى على كل لسان هنا وقولتله اهدي ياحسن انا هفهمك كل حاجه سيبها الشركه هتتلم كده علينا و
كونت هكمل بس حسن ضربني بوكس على وجههي بقوه وقال بغضب:افهم ايه تاني بعد اللي شوفته ده بعيني انا عمري ماكونت اتخيل انك تطعني في شرفي كده ابدا يافارس ده انت اكتر من اخويا اللي مجبتوش امي
سمعته ونزلت دموعي قدامه بوجع وجريت عاوز افهمه اني مظلوم فعلا وعمري ما بصيت عليها وهي لسه مش مراته علشان عرفت بس انه بيحبها بيقى ازاي هبص عليها واقرب منها بعد مابقت مراته وقولتله:ياحسن انت ظالمني والله انا مظلوم ياصاحبي انا من وقت ماعرفت بحبك لها مبصتش اصلا عليها تاني صدقني ومستحيل اعمل كده واخونك ابدا لانك اكتر من اخويا عندي
حاولت كتير افهمه بس هو كان عاميه الغضب وقرب من ليلى وضربها كف قوي وقالها:انتي طالق ياو*سخه وانا ميشرفنيش ابقى مع وحده خاينه زيك
وسابها وخرج وانا جريت خلفه وحاولت كتير افهمه بس هو رفض يسمعني حتي وقطع كل حاجه كانت بينا من وقتها
خلص فارس سرد الحكايه قدام حور اللي نزلت دموعها بحزن عليه وعلى حسن جوزها وقال
:خلاص اهدي وبأذن الله كل حاجه هترجع زي الاول واحسن كمان حسن مستحيل يكرهك ابدا بس هو اكيد مجروح منك ومحتاج يعرف الحقيقه كامله واكيد هيسامحك بعدها
فارس مسح دموعه بحزن وغضب وقال
:كله منها الخاينه دي دمرت علاقتي انا وحسن زمان ومكفهاش ده رجعت علشان تدمر علاقتك انتي وحسن كمان بس متقلقيش انا هاخد حقك وحقي وحق حسن كمان منها
حور بصت عليه بقلق وقالت
:انت ليه بتقول كده انت عملت ايه؟!!
ابتسم فارس بخبث وقال
:طلبت من حسن يقتلها ده حقه لانها وحده خاينه وكان لازم من زمان تموت على ايده ويغسل عاره منها بنفسه
حور سمعته وشهقت بصدمه وقالت
:انت مجنون عاوز تدمر حيات حسن وتعدمه كمان
رد فارس بتخطيط ومكر وقال
:لا انا مستحيل اعمل كده في حسن انا عاوز اخد حقه منها بس ومستعد اتحمل الجريمه مكانه كمان بس اخلص منها الاول
حور بصت في عنيه على كميه الغل والأنتقام الواضحه فيها وقالت
:فارس اهدي دي مش الطريقه الصحيحه صدقني كده انت هتدمر حيات حد فيكم والنهايه هتبقى حزينه
وقف فارس بعند واصرار وقال
:مش مهم حتي لو هموت في النهايه بس لازم انتقم منها الاول بأي طريقه
خلص كلمه وسابها وخرج من الغرفه بغضب كبير وحور بصت في اثره بشفقه
وعند حسن وسلمي حسن حط ليلى في صندوق كبير بعد ماخلص كل حاجه في دماغه فقالت سلمى بخوف
:انت اجننت ياحسن هتودي نفسك في داهيه علشان دي
حسن رفع الصندوق بتعب للعربيه وقال بلامبالاه
:مش مهم ياامي انا عندي سلامه حور مراتي بأي شئ في الدنيا انا لازم اخد ليلى عنده دلوقتي وارجع حور لحضني تاني
تحرك حسن علشان يركب عربيته بس سلمى وقت قدامه باصرار وقالت
:انت مش هتتحرك من هنا على جثتي اسيبك تعمل كده وتعرض حياتك للخطر بالطريقه دي
حسن تجاهل كلامها وركب في العربيه ببرود وقال
:اسف ياماما بس مقدرش اتراجع دلوقتي وكل حاجه بقت تمام متقلقيش انا عامل حسابي لكل حاجه
سلمي بصت على الاصرار اللي في عنيه بيأس وركبت جنبه في العربيه بقلق وقالت
:تمام يبقى هاجي معاك مش هسيبك لوحدك تاني
حسن كان هيرد عليها بس بص في الساعه لقى الوقت اتأخر فشغل العربيه وقال
:تمام ياله بينا
وعند فارس وحور حاولت حور كتير تقتعه يبعد عن الطريقه دي بس فارس كان مصمم اوي وفجأه سمعوا صوت عربيه حسن فتهند فارس وقال
:اخيرا وصل حسن اهدي ياحور كل حاجه هتمشى تمام ان شاء الله
حور بصت عليه بقلق وفارس سابها وخرج بره لقى حسن بيدفع في صندوق كبير قدامه فحط القناع على وجهه الاول وتقدم منه وقال
:خلى عندك انا هساعدك ندخله جوه
حسن سمعه وكان مستغرب اوي الصوت ده مألوف اوي ليه بس تجاهل الشعور ده وشالوا الصندوق سوى ودخلوا البيت
وبعد وقت وقف حسن قدامه وشاور على الصندوق وقال
:الامانه بتاعتك هنا زي ماطلب مني فين حور مراتي بقى؟!
فارس بص عليه باشتياق وكان نفسه يقرب يحضنه بس تمالك نفسه وقال ببرود
:مراتك جوه في الحفظ والصون بس الاول اطمن انك خلصت المهمه صح
حسن بص عليه بضيق بس هز رأسه بهدووء وفارس قرب من الصندوق وفتحه وهنا كانت الصدمه بجد....
يتبع بقلمي نور محمد
#حوريتي_الجميله
ياترى فارس لقى ايه في الصندوق قدامه؟؟؟
